स्हुला पल गि नोन
युग गि च्योच्यो ताबाचिम 
ल्हुइरि ल्हानान तोरमार,
तोरमार खाजि निजि
प्रेरणाला स्रोतकादे ल्हानान याङ्जि 
केवा म्राङ्सि ब्रेबारि आखाम्नि
दुइ आन्सार
म्हिसे आम्हान्बा थेन
पत्याप तिबारि नोन आखाम्बा
घट्ना ताबा चिम 
केवारि,
तासाइ हरेस आचाना
जिम्मेवारी निर्वाह लाबारि लोप्चि । 
ह्यार्बा नोन म्राङ्जि, लाबा नोन म्राङ्जि 
मिलान ङ्हाच्छा डोङ्बा याखारगि कठोर
देन्बा दोसि दाराप्बा म्राङ्जि ।
लोङ्बा आहिन ह्राङ्ला म्हि म्हाला बिबा स्हेर ।
लाजि बिजादुइला डान्बा
आमाला ङ्हेला छे
आमाला टुला त्याग
छार जाम्बुलिङ तिङ्ला प्लेन
म्हासिन निबा संभावना
कादे अनमोला हिराबिमा नोन
दुइसेन स्होपिन्जि कोङ्बा
छे चाबा मुला कोन्ज्योसोम ह्राङ्ला
खानाङ मुला तिनि ह्राङ्ला देन हिन्ना
अनुग्रह ल्हानान याङ्साम ङा बोलासिकेन ब्राला ।

भारत ।

(छिगला अर्थः स्हु– दुःख, केवा– जीवन, स्हेर– पीर, बिजा– बाल्य, छे– कर्जा, टु– पसिना, प्लेन– टुक्रा, जाम्बुलिङ– संसार)

दोःबा : यकिना अगाध