बेल्बो गुङरि हुइरि फाप्बा खाला मुसिम ले दार्से
स्होजि पुल साँघु तारतिबा खाला मुसिम ले दार्से ।
थोसि हलोजुवा बामरिक्यार, तो यारिन
हान्डो थेन ग्युरु लाबा खाला मुसिम ले दार्से ।
क्रेप्सारि हाङ्सु थे खेसि छ्यार्कु न्हान्सिकेन
ह्यालालारिन हलम्हे नारतिबा खाला मुसिम ले दार्से ।
आसुनि थे गैरी, अम्बोटे, कान्ले, कटुवा
च्याङ्बान आरे कुलो ख्वाबा खाला मुसिम ले दार्से ।
थेमुला बोइमो थेन पाल्मोकादे नोन आरे रो
छ्याम छ्यामनोन मेलापात लाबा खाला मुसिमले दार्से ।
सेम ब्लामुबा ब्योन छामेकादे चुनोन बेल्बोरि
मुठी, माना थेन पाथी म्युर्बा खाला मुसिमले दार्से ।
११ बेल्बो, याम्बु ।
दोःबा : यकिना अगाध
तपाईको प्रतिक्रिया दिनुहोस