ङा गाङ्साल व्हाइखा ताजि
छिककादे बासि ब्रिगु स्हेङ्गो एसे
ङा गाङ्साल ल्हुइ नाम्दार ताजि
ब्रिखेन दोसि ल्हुइदा ल्हेना लाउ एसे ।।

ङा दोप दोप्पा म्हुन ताजि
ङ्ह्याला लानि दोसि फेगाउ ए
ङा ब्योङआखाम्बा ङार्बा स्योङ ताजि
गान्दि दोसि किन्गासि छ्योल्गाउ ए ।।

ङा न्हानला पिपल दोजि
डहु दोसि हाउ ए
ङा बु आहाम्बा दोङ ताजि
पिङ ल्हाप्ते दोसि हाउ ए ।।

ङा नाङसाल सिबा दोप न्हाङ दिम ताजि
छ्युुगु काप्सि लुङ्ना लासि ह्याल लागाउ ए
ङा चेगाइला छिक तिला
बुर्गान जोडी ह्राङ्बा तिगो ए ।।

ह्याङ ङ्ही छ्याम डिक्सि 
जाजुबान सोला दिम स्होला
आतो ह्याङ्दा ङ्हाज्याङ दिमग्रेन
ङाला ल्हुइरि केवा केवा दोना चिउ ए ।।

माहाभारत गाउँपालिका–२ रज्जेडाँडा माबार, काभ्रेपलान्चोक ।