म्हाङ थोसि ब्रामा
ङादा एसे 
बदमास
अराजक 
ह्युल न्होङ्ना लाबा बिजि । 
ङातेन ल्हामरि
नाम्सा, शहर, बजार मुबा
सार्सि चिबा म्हेन्दो मुबा– ज्योमोगाङरि
क्युरचिबा सुन मुबा– ग्यागारदानरि
गल्ली, चोक थेन गाङब्लेजुगु मुबा
थे मोक्कोनदा एसे
स्वर्ग ह्राङ जेबा म्राङ्जि
तासाइ, ङादा आजेबा ।

ल्हामरि ङाइ
पुर्खाजुगुला ब्यान्बा राप म्राङ्जि
थाबा नार्तु
अपहरण लाबा सभ्यता
चुङ्बा म्हिला स्हिक्बा म्राङ्जि
तासाइ, थेदा एसे
ह्राङ्ला गौरवमय दोङराप म्राङ्जि
ओम, ङादा ग्याल्सादा आज्याबा लाबा तत्व । 
ङाला क्राबादा बारुद 
ङाला क्रिङ्बादा बम 
ओम, ङाला फ्यास्हिङदा विध्वंश म्राङ्जि एसे ।

वास्तवरि
ए ङा छ्यामनोन मुबा 
तासाइ, चोत्ते ह्रेङ्बा ल्हामरि नोन एसे खाइमाइ
ङाला मिरि ह्राङ्ला लि आच्यानि 
जेक्खे च्याजि ङादा ।

ओइ छ्याल्हाम्पा !
तासाइ, ङाइमि एला मिरि 
रेम रेम च्याचिबा मुला– ह्राङ्दा
ओम, म्राङ्चिबा मुला–
जेक्खे आतङ्ककारी !

पाङ्गोम
खाइमा म्राङ्से एला मिरि ङाइ
फेचिबा दिनि ?

loklama1029@gmail.com । चौँरीदेउराली, काभ्रे ।

(छिगकि दोनः ल्हाम– यात्रा, क्युर्चिबा– झुलिरहेको, ग्यागारदान– मधेश, ग्याल्सा– राष्ट्र, स्हिक्बा– क्रन्दन, फ्यास्हिङ– अनुनय, छ्याल्हाम्पा– सहयात्री)

दोःबा : यकिना अगाध