सुकुम्बासी
निजी छानोला म्हाइबारि !
ल्हाप्तेह्राङ हार्सि नाइबा स्थितिरि मुला । 
बेरोजगार 
मस्तिष्कला करेन्ट ल्हाना कोर्सिमाम !
स्हा नोइला मान म्हाइचिबा मुला ।
ओस्बान,
म्लाङ ताङ थेन छेसे आक्ताङ ताबाजुगु !
सिबासोबाला तुइनरि तुर्लुङ्ग फसतिबा मुला । 
स्यान्दो व्हना,
फुटपाथ थेन ठेलावालाजुगु !
साम्बा डाप ह्राङ्बा लिरि मुला । 
प्राङ्बा सानाम्पा थेन मजदुर !
दोइसे कात्तेन ज्योर्साइ नोन ताङ्बा हार्बा म्राङ्ला । 
करारला कर्मचारी !
क्षितिजरि आसाला प्लेन च्याना च्यानान नुप्ला ।

ओइ सरकार !
खर्बपति ,अर्बपति थो करोडौंला दोप्ता !
दोङराप डोगो–
टुला रोरोसे आहिन !
ल्हानान हतियार थेन षड्यन्त्रला तारि क्रेबा मुला । 
ए
ग्याल्बोला तरबारला सानामला नाम च्यागो !
का थेन मिख्लि ग्लोङ्सि म्रेन्बा घाउ स्याप्सेला मुला ।
ए 
पुँजीपतिला नोटला खिदि च्यागो !
ल्हानाह्राङ्बा ब्यान्सि कुन्दुररि लासि चिबा मुला । 
दलाल पुँजीवाद !
दिपक भट्टजुगु ह्राङ्बा ह्रोला च्याबारि छार्ला ।
थेतासि,
तिगाइ तोङ्जा दोप्ताला डिहि चु ह्युलरि !
तोङ्जाछा
प्राङ्बो दुखीला ताङ्बा थेन सुखको डिहि म्हाइगो ।

(छिगकि दोनः स्हा– छारे, नोइ– रोग, ताङ– सूची, छे– ऋण, व्हना– तिर, साम्बा– ओइलिएको, सानाम्पा– किसान, प्लेन– त्यान्द्रो, नुप्ला– अस्ताउँछन्, दोप्ता– मालिक, रोरो– फल, ग्याल्बो– महाराजा, सानाम– खेती/कृषि, नाम– फसल, घाउ– डकार, कुन्दुर– मुठी, डिहि– फूलबारी, तोङ्जा– करोड)

दोःबा : यकिना अगाध