सहरला महलजुगु
एला याला छ्युल्दुरसे रेबा हिन्ना
तासाइ एदा
दातेनोन ग्ला आरे ।
एसे कचौरारि छ्युकु लेप्सि
स्यान्दोला केवा बाङ्बा स्होजि,
ह्राङ्ला थोप्साङ बिसाम
म्युगुरिन म्हाजि ।
एलान कुग्याम थोन्बा याजुगुसे
तिनि एदा आङ्जि
कुर्सीरि दोमाहेन्से
म्हि मेसिन दोजि ।
ओइ सुकुम्बासी आमाजुगु,
दारेम ख्लागो
कचौरारि लेप्बा छ्युकु
ह्राङ्ला मुक्तिला लागि
म्राबारि चुगो विद्रोहला मे ।
ओम डान्गो
ए रेजि बिसाम
मे जेक्खे आचोल
छ्यो पोला
ओम थेकुनु
क्रोसेला मुला दोप जेक्खे आहिन,
अन्यायला टा नोन ।
दुगु १२, कामरे ।
(छिगकि दोनः थोप्साङ– भाग्य, छ्यो– दिशा, दुगु– वैशाख)
दोःबा : यकिना अगाध
तपाईको प्रतिक्रिया दिनुहोस