चोदे जेबा ह्युल ख्लासि
धनसम्पत्ति छाबारि सिबाबाङ लाबा नेपालीकादे
अमेरिकामि स्वर्ग ह्युल हिन्ना बिसि
कादे म्हुन म्हाङकादे स्याम्मुबा
कादे रेकादे कल्पना लासि ज्यामुबा
थेरि क्योङस्हे मुला
शान्त मुला, स्हेसो डेन मुला, इज्जत मुला
अमेरिकारि गोङमा जुमा, स्वर्ग दोबा छोर्मुबा ।

ङाला ह्युलला सरकार
म्हि तस्कर लासि न्हो छातोबा मुला
फ्रि भिसा फ्रि टिकट
सेटिङ
डिक्सिमाम
छारिब्योनकादे अरबला खाडीहेन्से युरोपला गल्ली तासि
अमेरिकादोना चुङ्बारि म्याङ्जि 
ओन्छ्यान !
तिनि अमेरिकाला म्हाङ रासि
अमेरिकारि पचासछा बुम खर्च लासि दोबा छारिब्योनकादे
बोरा थेन प्लाष्टिकला झोला पुइसि
थानथान या दिमरि दोसि खाबा मुला ।
थेरि बेरोजगारसे सीमा वाइजिन्जि । 
अमेरिकनकादे म्हाबाकेन मुला
अमेकिारला राष्ट्रपति डोनाल्ड ट्रम्प
जाम्बुलिङला लोङ्खेप्पा गुण्डा हिन्ना ।

ह्याङ्दा तिगा साङ्ग्युर पिन्बाकेन मुला
दारे जाम्बुलिङला गु गुग्याम 
स्युर्बा रे तिजिन्जि
चु रे खाला खाला
नेपालीसे नासिकेन निसेला मुला ।

(छिगला अर्थः छाबा– कमाउनु, सिबाबाङ– मरिहत्ते, स्याम्बा– सजाउनु, स्हेसो– मान, लोङ्खेप्पा– खतरनाक, नाबा– भोग्नु)

२०८२/०२/२६

दोःबा : यकिना अगाध