काभ्रेपलाञ्चोक । काभ्रेला चौरीदेउराली गाउँपालिका–२, नाग्रेगगर्चे, बाँझखेतला श्री टाँसी बाल विकास आधारभूत लोप्खाङला ३० म्हे बिजाबुमोसे तापा ७ कुनु छार ट्याकसुट सेट थेन टिसर्ट याङ्बा मुला ।

हाङ्बा मौसमदा लक्षित लासि अमेरिका चिबा चुनोन लोप्खाङला ङ्हाच्छाला प्रधानाध्यापक अमल लामाला ह्रोरि चु क्वान बोठाबा हिन्ना । 
डोइखाबा क्वान बोठाबा गेताङफिरि ग्रादाङ पिन्सि लोप्खाङला प्रधानाध्यापक लक्ष्मी लामासे ङ्हाच्छाला प्रधानाध्यापक अमल लामादा कृतज्ञता व्यक्त लाजि ।

गेताङ अमल लामाला आमा फुलमाया तामाङ थेन वडा ह्रोमि देबी श्रेष्ठला ग्रेनडोन्बोरि ताबा मुबा । लोप्खाङ डिछ्याना दाछोक चोहो दम्जे दोर्जे लामाला चोहोदानरि ताबा गेताङरि लोप्खाङ स्हेङ्खेन ह्रोमिजुगु डोन्बो मुबा ।

गेताङरि लोप्खेन अभिभावक गेदुङला चोहो प्रकाश योन्जन तामाङ, लोप्खाङला लोप्खेन, कर्मचारी, लोप्बोन थेन अभिभावकजुगुसे उल्लेखनीय बोकिन्बा मुबा ।

ल्हाथुम थुमला बिजाबुमोला ग्युइसेररि निरन्तरता, प्रेरणा थेन गाबो छोरुवा खाना लाबा दोन्तासे लाबा ङ्हाच्छाला प्रधानाध्यापकला चु ह्रोसे समुदायरि सकारात्मक सन्देश दोबा स्थानीयजुगुसे पाङ्बा मुला ।

(छिगकि दोनः म्हे– जना, बिजाबुमो– बालबालिका, तापा– पुस, बोठाबा– वितरण, ग्रादाङ– जानकारी, डिछ्याना– व्यवस्थापन, दाछोक– समिति, ह्रोमि– सदस्य, स्हेङ्खेन– संस्थापक, लोप्खेन– शिक्षक, गेदुङ– संघ, लोप्बोन– विद्यार्थी, ल्हाथुम– ग्रामिण, ग्युइसेर– शिक्षा, गाबो– उत्साह, दोन्ता– उद्देश्य)