निजि बेल्बो खाजि गोने
पिङ्गाइ मठि थेन मेन्दी फोरबारि ।
निजि बेल्बो खाजि गोने
मठि ह्राप्सि स्याबारि ।
असाररि दही फाल्गि चाजि
बेनान डिक्सि रमाइलो लाजि ।
दारेम गोनेरि खिर चासि
बेनान डिक्सि रमाइलो लातोजि ।
बेल्बोरि सुबा साङा
गोनेरि ताबा पिङ्गाइ ।
बेल्बोरि सुबा सुन
गोनेरि ताबा पिङ्गाइ ।
बेनान सुन साङाकादे
ताबा मुला गोनेरि पिङ्गाइ ।
साङा, सुन थेन म्हिकादे
ताबा मुला मठि क्वान्सि पिङ्गाइ ।
म्हेन्दो फोर्सि माठि वान्सि
तिजरि बेनान स्याबा ।
वाला स्ह्यामा वान्सि
तिजरि बेनान स्याबा ।
(छिगला अर्थः बेल्बो– असार, गोने– साउन, मठि– चुरा, फाल्गि– चिउरा, पिङ्गाइ– हरियो)
(व्हाइखाब्रिखेन मनिता बोम्जन आपा मित्रलाल बोम्जन थेन आमा शर्मिला स्याङ्बोला कुग्याम २०७९/४/३० गते जुगल–२, किल्चे, सिन्धुपाल्चोकरि केबा हिन्ना । दाते ह्रो भिमसेन मावि, जुगल–२ रि कक्षा कुरि डोबाकेन मुला । तामाङ ग्योइकाइ थेन नेपाली ग्योइकाइरि ह्रोसे कलस स्याङ्सिकेन खाबा मुला ।)
तपाईको प्रतिक्रिया दिनुहोस