बोंदि २९ बेल्बो । प्रगतिवादी ग्योइकाइब्रिखेन ओसेम व्हाइखाब्रिखेन रक्ति लामासे ब्रिबा व्हाइखापोप ‘कमाण्डर कमरेड तामआपाङ’ सार्वजनिक ताबा मुला । कामरे बनेपा नगरपालिकाला सभाहलरि छ्योइला ठ्वाङ्सेन लासि सार्वजनिक लाबा हिन्ना ।

प्रगतिशील ब्रिखेन गेदुङ, काभ्रेला चोहो लामाला चु ङ्हीछा व्हाइखा पोप हिन्ना । चु ङ्हाच्छा थेला ‘थोत्रो मोजा’ व्हाइखा पोप तेबा मुबा ।

प्रगतिशील ब्रिखेन गेदुङला ङ्हाच्छाला चोहो मात्रिका प्रसाद पोखरेलला ग्रेन्पोडोन्बोरि ताबा गेताङरि विशिष्ट डोन्बो ब्रिखेन नन्दु उप्रेती, डोन्बोकादे दिल पौडेल, भवानी पाण्डे, गीति मन्जुरी मच्छेश्वर सापकोटा, ग्युइसेरखेन्पो शिशिर भण्डारीसे संयुक्त लिरि छ्योइ ठ्वाङ्सेन लाबा मुबा ।

नियमित ग्योइकाइ गेताङ सुताइ लाबा चु गेताङरि व्हाइखाब्रिखेनकादेसे व्हाइखा डोबा मुबा । डोबा रचनाकादेला ग्रेन्पोडोन्बो मात्रिका पोखरेलसे क्योइका लाबा मुबा । डोबा रचनाकादे उत्कृष्ट, सान्दर्भिक ताबा तासाइ सरलताला मिनरि व्हाइखाला चुरोदा ख्लाला आदेबा बिसि व्हाइखाब्रिखेनकादेदा सचेत लाबा मुबा ।

छ्योइरि ९८ वटा प्रगतिशील ओसेम क्रान्तिकारी व्हाइखाकादे ह्रुप्बा मुला । छ्योइला साइ ग्यार्जा ङ्ही थान्बा मुला ।

व्हाइखारि ह्युलला साप्रा, नाम्साला ब्रोइखाबा ब्रा, विद्रोह, बामो, ग्लेठिम थेन एकात्मक शासनफिरि ङ्योइबा रेन्बासे व्हाइखारि सकारात्मक विद्रोहला चेतना फेल्गेबा नोबा मुबा क्योइकापा नन्दु उप्रेतीसे पाङ्जि ।

गेताङरि व्हाइखाब्रिखेनकादे दिल पौडेल, मुरहरी रायमाझी, केशब ज्ञवाली ‘आगत’, भवानी पाण्डे, केशब घिमिरे, गरिमा अधिकारी, विद्योदय घिमिरे, रक्तिम लामा, सुशिला विष्ट, कालिका त्रिपाठी, गोविन्द मैनाली, अनामिका सजल, मच्छेश्वर सापकोटा, हरि प्रसाद चौलागाँई, बुद्धि मान तामाङ, दिनेश खरेल, केदारनाथ तिमल्सिनासे ह्राङ्ह्राङ्ला रचना डोबा मुबा ।

(छिगला अर्थः बोंदि– बनेपा, बेल्बो– असार, ब्रिखेन– लेखक, गेदुङ– संघ, ग्रेन्पो– प्रमुख, ग्युइसेरखेन्पो– शिक्षाविद्, क्योइका– समिक्षा, क्योइकापा– समिक्षक, फेल्गेबा– विकास)