धादिङ ८ तापा । जनस्वास्थ्य गेदिम धादिङला आयोजनारि ओसेम नेत्रावती डबजोङ गाउँपालिकाला समन्वयरि मार्पाक ल्हुइथाङ चौकीरि प्रजनन ल्हुइथाङ रुग्णता शिविर सन्चालन लाबा मुला ।

मिरे सन्चालन लाबा शिविरग्याम क्योङ १२४ म्हेसे साप्तो किन्बा जनस्वास्थ्य गेदिम धादिङसे उन्पाङ्बा मुला । शिविर न्हाङरि ३० हेन्से ५० दिङला छोक्बाला ९४ म्रिङ्कोलारि लाबा VIA screening गुङ्ला ११ म्हे ओसेम २५–३० दिङ छोक्बाला २ म्हेरि positive म्राङ्बा मुबा । पोजेटिभ म्राङ्बा गुङ्ला १३ म्हेरि ablative RX/ Thermocogulation साप्तो पिन्बा मुबा ।

चुह्राङ्नोन लासि POP 1st ओसेम 2nd degree ला ५ म्हे, stress incontinence ला २ म्हे, cystocele ला ५ म्हे ओसेम ४ म्हेरि ring pessary insertion साप्तो पिन्बा उन्पाङ्बा मुला । Clinical breast examination लामा १२४ गुङ्ला १ म्हेरि axillary tail काक्ता म्राङ्बा थेन लेङ्बा १२३ म्हेला नतिजा सामान्य मुबा जनस्वास्थ्य गेदिम धादिङला जनस्वास्थ्य निरीक्षक तोयानाथ छत्कुलीसे ग्रादाङ पिन्जि ।

शिविररि ८५ म्हेदा axillary tail ह्राङ्बा काक्ता ब्रेल्चिबा क्योन्पिन्बा मुबा । छ्यामरि, cervical polyp  ताबा ५ म्हे थेन fibroid ताबा १ म्हेदा काप्सिमाम जाँच थेन क्योन्बाला लागि धादिङ अस्पतालरि रिफर लाबा मुला ।

शिविर सन्चालनरि धादिङ अस्पतालला जामेकोला नोइ खेन्पो डा. मोनिका मिश्रला टिमसे ल्हुइथाङ परिक्षण लाबा मुबा ।

(छिगकि दोनः ल्हुइथाङ– स्वास्थ्य, मिरे– मंगलबार, तापा– पुस, म्हे– जना, साप्तो– सेवा, उन्पाङ्बा– जनाएको, छोक्बा– समूह, काक्ता– समस्या, ग्रादाङ– जानकारी, ब्रेल्चिबा– सम्बन्धी, क्योन्पिन्बा– उपचार गरेको, नोइ– रोग)