सिन्धुपाल्चोक २८ सोङराति । इन्द्रावती क्याम्पस मेलम्चीला १८ छा दिङ्कि काप्तोन मेलम्ची नगरग्रन्पो आइतमान तामाङला ग्रेन्पो डोन्बोरि ताबा मुला । काप्तोनदा सम्बोधन लाबान ग्रेन्पो तामाङसे इन्द्रावती क्याम्पससे स्थानीय छारिब्योनदा दिमरिन चिसि तोच्चास्तरीय ग्युइसेर किन्बारि पिन्बा दुइसाङला प्रशंसा लाजि । 

थेसे क्याम्पसदा नगरला ग्युइसेरकि ङोसेबा थोबा महत्वपूर्ण धरोहरला स्ह्रुगरि चित्रण लाबान ग्युइसेर नोन फेल्गेबाला दानयुङ हिन्ना पाङ्जि । थेसे खाबा रेजुगुरि गुणस्तरीय ग्युइसेरदा झान कोङ्ना लाबारि क्योङ तिलोसे हातेमालो लातोबारि बाङ पिन्जि । 

डोन्बोछेन नगरपालिकाला स्यानग्रेन्पो उमा प्रधानसे क्याम्पससे समुदायरि दोना लाबा ग्युइसेरकि योगदानला प्रशंसाोप्खेनदा अनुशासित, उत्तरदायी थेन सामाजिक संवेदनशीलतादा गोसि ङ्हाच्छा वाङ्बारि म्होइजेन लाजि । 
क्याम्पस ग्रेन्पो राधाकृष्णा श्रेष्ठसे निबा दिङला प्रतिवेदन प्रस्तुत लाबा मुबा । थेसे खाबा रेरि अनुसन्धानमुखी थेन लोप्खेन केन्द्रित ग्युइसेरकि गेताङदा झान प्रभावकारी स्होबारि प्रतिबद्धता व्यक्त लाजि । गेताङ महेश दुलाल (सिपी)ला चोहोदानरि ताबा मुबा । 

(छिगकि दोनः दिङकि– वार्षिक, काप्तोन– उत्सव, ग्रेन्पो– प्रमुख, ग्युइसेर– शिक्षा, स्ह्रुग– रुप, फेल्गेबा– विकास, दानयुङ– आधारशीला, तिलो– पक्ष, स्यानग्रेन्पो– उपप्रमुख)