याम्बु । ब्रिखेन/ग्योइकाइब्रिखेन श्रीराम श्रेष्ठला ह्युलकोर पोप ‘यात्राला तस्बिर’ सार्वजनिक ताबा मुला । छ्योइदा नेपाली कांग्रेसला नेता/सांसद् डा. शशांक कोइरालासे लोकार्पण लाबा मुबा ।

कोइरालाला महाराजगन्जला दिमरि गेताङ स्होसि छ्योइला ठ्वाङ्सेन लाबा हिन्ना ।

ब्रिखेन श्रेष्ठसे ल्होलो थुमरि कोर्बा ताङरि म्राङ्बा नाबा अनुभव अनुभुतिकादेदा ह्युलकोरला लिरि तयार लाबा १७ क्राछिगला ह्युलकोर ‘यात्राको तस्बिर’ न्हाङरि प्रस्तुत लाबा मुबा ।

‘यात्राला तस्बिर’ श्रेष्ठला २७ छा तेबा कृति हिन्ना । चु ङ्हाच्छा ह्युलकोर पोप ‘अनुभूति अनेक– २०७०’ तेबा मुबा । चु छ्योइ नुवाकोट ग्योइकाइ प्रतिष्ठानसे तेबा हिन्ना ।

नुवाकोटला बिदुररि वि.सं. २०३१ दिङरि केबा श्रेष्ठला दातेदोना तिगाइ ह्युलकोर पोप, ल्हुइ पोप, व्हाइखा, क्योइका, अनुसन्धानात्मक छ्योइला छ्याम जापानीज ग्योइकाइला हाइकु, तांका, कटौता, सेदोका, डोडोइट्सु, मन्डो थेन कोरियन ग्योइकाइला सिजो ह्राङ्बा विधाला ल्हानान छ्योइजुगु तेजिन्बा मुला ।