सन् १९१७ ला ङ्हाज्याङ मुबा अक्टोबर समाजवादी क्रान्ति
शोषित पीडित गेनाम ह्युल्बाला डिक्पा बाङ मुबा थे क्रान्ति ।
सामन्ती थेन प्रतिक्रियावादी राज्यसत्ता जिन्ना लासि
समाजवाद स्हेङ्बा मुक्तिला लाबा लुङ्सुर मुबा थे क्रान्ति ।।
वर्गसंघर्ष थेन सर्वहारा वर्गला अधिनायकवाददा गोसि
अराजकतावाददा विचारधारात्मक संघर्षसे ब्रेना लासि ।
गेनाम ह्युल्बादा राजनीतिक लिसे सेनागोना लासिकेन
मुक्त ताजि प्राङ्बो गेनाम ह्युल्बा निरंकुशताला छोदा टाङ्सि ।।
क्रान्तिला तोपला थे काइसे दुल्बा गेनामवर्गदा छोर्न लाजि
संघर्षला दोङरापसे लेनिन ह्राङ्बा चोहोदा चु जाम्बुलिङरि केवा पिन्जि ।
क्रान्तिकारी भूमी सुधार लागू लाजि थे युगान्तकारी क्रान्तिसे
प्राङ्बो क्योङ शोषणग्याम मुक्त तासि छार ह्युलठिम स्हेङ्जि ।।
चु जाम्बुलिङरि गेनाम प्राङ्बोता ह्याल पिन्बा नाङ्साल मुबा थे
हालाइसे सेसि सेआहम्बा, कासि काआहम्बा लाबा लुङ्सुर मुबा थे ।
गाङ्स्योङ, स, ह्रि साप्छ्योइ नाम्छ्योइ गिनलासि काइ फुइसि मुक्तिला
दुर्सारि क्याजि सामन्तवाददा, नुब्ना लाजि निरंकुश जारशाहीदा, अभूतपूर्व क्रान्ति मुबा थे ।
लेनिनसे पाङ्जि क्रान्तिला लागिरि क्रान्तिकारी पार्टी तोला
क्रान्ति ताबारि न्हाङ्ला थेन फिग्र्यापला परिस्थिति डिक्दोला ।
माक्र्सवाद, लेनिनवाददा ज्यानालासि सेसिगोसि गेनाम वर्ग
मुक्ति ताबारि शोषणग्याम्से क्रान्तिला ग्यालारि प्रादोला ।
काभ्रे ।
तपाईको प्रतिक्रिया दिनुहोस