जनै पुर्णे आहिन ह्याङ्ला गोने ङ्ह्या खाजि
स्यार न्हुप लो ज्याङ थेन स्हिङ्ला होङ बाजि ।
बोन्बोला लाख्राल लामाला गोन्बोरि ला फेसि
ज्यार्दिला सेम ब्रेगाइ तामाङ ठिम म्राङ्सि थेसि ।
ग्योइ रिमठिम आसोदे दोना ह्याङ सोआखाम
चुताम सिनालासाम दोखाङरि खाइमाइ दोआखाम ।
बोन्बोसे ङ्हा ह्रोल्मो लामासे ग्याबुब थोसि रेगे
चु ग्यालसा चाजि थेसे ह्याङ्से तिरेम जात्रा तेगे ।
नाग कुण्डरि ङ्ह्यान्बो थेन छेबा ख्युन ओन्तोजि
चु नाह्रेङला गो क्याबा मुनाम तिरेम क्योन्तोजि ।
थेला लिछा ब्रासि जिन्दाबाद मुर्दाबाद कादे बिसे ?
थेला थोपो थोपोरि नाङगे दारेम कादे लिछा टिसे ।।
तपाईको प्रतिक्रिया दिनुहोस