ङ्योलोकला संकट गोबारि जरुरी तिल्दा आम्हान्नि
समाजला निराश गोबारि खाराङ्लासि तिल्दा आसेनि ?

काठुइला डाजाङजुगु कुटिसि छ्यामनोन तिल्दा म्हाजि
जनपक्षीय काइजुगु नाइसि ताइजि तिल्दा आतेन्नि ?

काठुइला मिनरि साङ्मो जेक्खे तिल्दा साङ्चिजि
संगठनन्हाङरि अन्तरक्रिया खाइमाइ तिल्दा आसेनि ?

नाइह्राङ पदरि सातान, जनबादी केन्द्रीयता खानाङ म्हाजि 
छेजोम, जोम्नाछेन, मार्गदर्शक, नेतृत्व तिल्दा आदाम्नि ?

नेता छ्यामनोन सेल्फी किन्बा ओइ हिरो, बफादारी इमान्दार
रेम्हुन भक्ति कोबा तासाइ नीति थेन नेता तिल्दा आतेन्नि ?

ह्युल्बाला नारा म्लेसि, सिद्धान्त पार्टीन्हाङरि नाइना लाजि
नुरजुगु नाइसिकेन निजि, ह्युल्बारि निबारि तिल्दा आसेनि ?

सच्याप लाबा साहस आरे, सातान सेम गोना लाबा भाषण जेक्खे 
लिब्रोला काइजुगुदा, पाङ्गो डेन लाबारि तिल्दा आसेनि ?

(छिगकि दोनः ङ्योइबा– प्रश्न, ङ्योलोक– आन्दोलन, काठुइ– छलफल, डाजाङ– मञ्च, साङ्मो– बिस्कुन, नाइ– लिसो, छेजोम– अधिवेशन, जोम्नाछेन– सम्मेलन, नुर– विषय, नाइबा– सड्नु)

दोःबा : यकिना अगाध