रा म्हे छामा ङ्होइसि ङ्होइसि, छ्याम ब्राजि चेगाइ
पुलाङ कोरे म्हाइसि म्हाइसि, थुसि चाजि चेगाइ ।
दोमान गाङरि छे सिङ थासि, लाज्याङ क्लाङ्सि ब्रासि
डिप्सा होङ्ना क्रिङ्सि क्रिङ्सि, ह्वाइ कोजि चेगाइ ।
नाम्दुङ ङ्हारि म्हाने गाङरि, ह्राब्ने दोमाङ डोमा
फापार व्हाइरि छ्योङ्सि छ्योङ्सि, छुना स्याजि चेगाइ ।
थुमथुम म्हुनरि महादेवथानरि, जात्रा च्याबारि निमा
दोप न्हाङरि लोङ्सि लोङ्सि, या चुङ्जि चेगाइ ।
मेच्छे–९, मुक्पाटार, तिमाल, काभ्रे ।
(छिगकि दोनः चेगाइ– माया, नाम्दुङ– चैत, थुमथुम– औंशी)
तपाईको प्रतिक्रिया दिनुहोस