जोसरि होस म्हामा खेप्बान मे लुङ्जि तिनि
ह्युल मेफ्रा दोजि धरोहरकादेन क्रोजि तिनि ।।
अन्याय, अत्याचार थेन भ्रष्टाचार बुथुम दोमा हिन्छे
स्वेच्छाचारी चोहोला ताङ्दे म्हान्दे गुर्जि तिनि ।।
ग्रेनकोल्मे बुद्ध केबा किन्बा स्हिवाचेबो ह्युलरि
फिह्युल्पा एजेन्टकादेला कोक्लाङ चल्दिजि तिनि ।।
दुङालसे क्रिङ्मा ह्युल ज्याबाठिमला ब्रान्बारि
ह्रावाला पहरेदार फिग्र्यापला दबाबरि ज्योल्जि तिनि ।।
नेतृत्व थेन दोखाङ आरेबा संघर्षरि फाप्मा
ह्राङ्बाङ डलरेसे छारपुस्ताता ख्योजि तिनि ।।
काभ्रे ।
(छिगकि दोनः बुथुम– चुली, ग्रेनकोल्मे– महामानव, स्हिवाचेबो– शान्तिप्रिय, फिह्युल्पा– विदेशी, कोक्लाङ– चलखेल, ह्रावा– रक्षा, दोखाङ आरेबा– गन्तव्यबिना, ह्राङ्बाङ– स्वतन्त्र, ख्योजि– छल्यो)
तपाईको प्रतिक्रिया दिनुहोस