थेसे मिख्लि आहिन
लाबा लुङ्सुरदा पेकपेक लामुला
ग्यालाम काबा गारा थेन गाप्ताकादे बोबान
ह्राङ्लान मिनरि दोङराप ब्रिबा मुला ।
ह्याल ह्याल्ब ग्याल्सा न्हाङरि नोन
थेला ङोसेबा आम्हा
च्या छोङ्खाङला ताम ह्यान्दे
डिजिटल जाम्बुलिङरि
ह्राङ्ला काइ होङ्ना लाला ।
थेला सुङफिरि ‘आहिन’ बिबा बाङ मुला
थेला यारि ‘हिन्ना’ बिबा बिकल्प नोन
थेसे गोइलो आहिन, ङोसेबा पोबा मुला
तिलाला क्रिप तिनिला ह्याल दोबान ।
थेदा ह्युल्बासे खाइमा
ल्हामो थेन बोक्सिला
स्हाल ङि पिन्बारि म्हाइला
तासाइ थे ह्राङ्ला पेजाङदा÷अस्तित्वदा
म्हि दोसि दोसिन ब्रिबा मुला ।
थेसे खालाइदा चेकाइ लाला
तासाइ च्युप्पा म्हि दोसि आहिन च्योच्यो तासि
थेसे म्हाङ म्राङ्ला
तासाइ स्यान्दोला थोरि आहिन
ह्राङ्लान थोरि, ह्राङ्लान यारि
थेला मिन दारेम ‘जामे’जे आहिन
‘पोबा’ हिन्ना
ओम थेला गोङमा
न्हाङ्गारला ह्युल्बाला ज्योइ
ह्युल्ला जे हिन्ना ।
नमोबुद्ध नगरपालिका वडा नं ५ काभ्रेपलाञ्चोक ।
तपाईको प्रतिक्रिया दिनुहोस