आइस्टाइनला ड्राइभरसे तिरेकुनु थेदा पाङ्जि, ‘ह्राङ्से मुतेबा जोम्नारि पिन्बा भाषणा ङाइ कण्ठ लाबा मुला ।’
आइस्टाइन छक्क परतिजि । थेलिच्छा थेसे पाङ्जि, ‘ज्याबा ताजि, ङा न्हाङ्गार खाजिबा चिसाङरि निसेला मुला, थेन्छे ङादा ङोआसे । ह्राङ्से ङाला ग्लारि भाषण पिनस्ह्युगो ओम ङा ड्राइभर दोसेला मुला ।’
न्हाङ्गारदाङ्से चिसाङरि थेह्राङ्नोन ताजि । ड्राइभर डाजाङरि क्रेजि ओम आइस्टाइनसे ह्राङ आत्मविश्वासला छ्याम भाषण पिन्जि । दर्शकसे प्राबादोना तालि ह्राप्जि । ड्राइभरला अभिनय चोदे प्रभावकारी मुबा कि मुतेबासे थेदान आइस्टाइन नोन म्हान्जि ।
चिसाङ जिन्माहेन्से गिक्खे प्रोफेसरसे ङ्योइजि, ‘ह्रेम्बोरछे, ह्राङ्से सुङ्बा ल्हेङ्मोदा तिर्याम दोसि तुन्बारि गोना लास्ह्यु खाम्ला ?’
देन्बा आइस्टानइनसे चु ताम थेसि लोङ्जि । दारेम ड्राइभरदा चुङ्सेला मुला म्हान्जि ।
ड्राइभरसे ङेसिकेन कासाल पिन्जि, ‘ह्राङ्दा चु साधारण ताम नोन थाहा आरे ? चुमि चोदे देबाः (सजिलो) मुला, ङाला ड्राइभरसे नोन ह्राङ्दा व्याख्या लासि गोना लाबारि खाम्ला ।’
थेलिच्छा थेसे देन्बा आइस्टाइनरिक्यार ताम थानपुङ्जि ।
ह्रुप्बा : यकिना अगाध
तपाईको प्रतिक्रिया दिनुहोस