‘ङ्योइसाङ लाबा डेन्तोबा व्यक्तित्वगणसे राप्किनजिन्बा मुला ।’ डाजाङग्याम उद्घोषकसे माइकरि फुइजि ।
गाइना आलाना मोक्कोन विभागला अभियन्ताजुगु, ग्यालठिपा नेतृत्वगणला मुख्य थोबोजुगु, न्होर ब्लोनखाङला शीर्ष अधिकारी, फिह्युल मामिलाला गाउराइजुगु ल्होलो ताङ्सेन डाजाङरि थान्जि ।
मुतेबादा माला क्वान्बा लिच्छा जोम्ना योनायोना ङ्हाच्छा वाङ्जि । सम्बोधनला ताङ जारी मुबा । सानाम्पाजुगुला गुणगान कोबारि खालाइ नोन आब्लाप्नि ।
थेनोन दुइरि लिच्छाला पंक्तिग्याम ल्हानान प्राबा काइ खाजि, ‘उपहास थेन अपमानला चु गेताङ ङानि बहिस्कार लाला ।’
उद्घोषकसे थोबोहेन्से मेदोना च्यासिकेन पाङ्जि, ‘ग्ला च्युइरि डेबा, चोदे फोहोर गोइलोरि क्रिङ्बा ए खाला हिन्गाइ ?’
जोम्नादिमनोन फोना लाबा काइ होङ्जि, ‘धिक्कार मुला क्लि थेन म्हेक्लि फेआखाम्बा सभ्य डिछ्यादा ।’
गैरीबास, कालेबुङ, भारत ।
(छिगकि दोनः सानाम्पा– कृषक÷किसान, दिङ्साङ– दिवस, डेन्तोबा– सम्माननीय, राप्किन्बा– उपस्थिति, डाजाङ– मन्च, ग्यालठिपा– राजनैतिक÷राजनीतिक, न्होरब्लोनखाङ– अर्थमन्त्रालय, फिह्युल– विदेश, जोम्ना– सभा, प्राबा– चर्को, डिछ्या– व्यवस्था)
दोःबा : यकिना अगाध
तपाईको प्रतिक्रिया दिनुहोस