डाम्फुला जोरि चरी फुइँ फुइँ
स्याजि होइ छार्दो सार धुइँ धुइँ
आखेला पेताम खेःबारि
ह्राङला रिमठिम जेबारि।
सेबाजिम लिला म्हिल्हुइसे
छाङ्सार राला डि छेङ्सि
ब्याप ङि फेरफेर थोबो मेः केर
कादे जेना लाबा छो फ्रेङ्सि।
लु स्याउ छार्दो गो ह्योङ्गो
रिमठिम ख्लासि थाछ्याङ्गो
ब्रा जोरि फुइबा बोम्सिङ दोङ
थाताउ तोर ह्योङ मार ह्योङ ह्योङ।
ग्योइ थेन ग्योइकाइ गोनालाइ
ह्राङ्ला रिमठिम सोनालाइ
डाम्फुला डामडाम आस्याङ जाम
स्यासिगेत हाजि छामेला ङाम।
तामाङ गोइलो क्वान्सिमाम
यारि माठि न्हाबेरि म्हार
जेसुम हिन्ना चु ह्याङ्ला
तेन्दोला ह्याङ्से चु ल्होछार।
बेनु ह्राप्पा ख्रिन्ना जिः
थान्दोला ह्याङसे ना थेन लिः
कार्वाति दिङबा मु गुङरिर
रिमठिम चितोला चुल्हुङरि।
तपाईको प्रतिक्रिया दिनुहोस