लिच्छारि ङा स्योर्तोबा मुबा
खालाइला काङग्याम
खाल्से ङादा
बेथितिजुगु न्हासिमाम नाङ्चिजि ।
धुलो न्हाङरि ङाला काइ म्हाजि
क्रिङ्बारि आखाम्बा मुबा
तिल्दाबिसाम ङा ‘स्होन्बो’ मुबा ।
थेसे गोङ्माजुगु थान्जि
न्यायफिरि
ह्राङ्बाङ्बाफिरि
म्हाङफिरि
ङाफिरि
कुटिसि बाम्सिकेन, बोजि
थेलान दोइरि
खालाइसे आम्राङ्नि
खाजिबा स्हेरसे डेबा मुबा ?
तिल्दा ङा जिन्सिमाम
याखारगि गुरि ब्याङ्बा मुबा ?
तासाइ ङाइ डान्चिबा मुबा
ब्राबा क्योङ्ला गिक्खेन आता
खाइमागि
स्योर्बा ङोआसेबा
जेनजी स्होन्बोग्याम नोन चुला
विद्रोहला गोङ्मा ।
(छिगदोनः ह्राङ्बाङबा– स्वतन्त्रता, स्हेर– पीडा, स्होन्बो– जुत्ता)
दोःबा : यकिना अगाध
तपाईको प्रतिक्रिया दिनुहोस