थेबा मुबा जामेकोलाला इज्जत तार क्वान ह्राङ्बा
थे तार क्वानदा चाङ्मा थान्बारि जामेकोलासे बार्दो लातोला
पुजुसे ब्लोसाइ नोन कुटिसि टितोला
च्यामा कादे जेबा ह्याङ्ला ह्युल्बा
चुरि लाबा मुला जामेकोलाला छ्योबो
तासाइ दुङालला ताम थे जामेकोला रेरे नोन सितोबा मुला ।

यारि चुरा, थोबोरि ताला लिठि ङ्होरि टिका
चु छाङ्मान जामेकोलाला लागिरि ङोसेबा हिन्ना व्हा
यारि खिबा हत्कडी ?
ह्रेङ्बा क्रा हिन्ना जामेकोलाला म्हार
ग्रेन काइसे नेमा ताला जामेकोलाला इज्जतरि रोप्पा ।

दारेम ख्लागो चु छाङ्मान उन्बास्होबा चेकाइ लाबा
ख्लागो जामेकोलाला मिनरि छ्योबो लाबा ।

तेमाल गाउँपालिका, वडा नं. ९, मुक्पा, काभ्रे । दात्तेः झौखेल, भक्तपुर

(छिगकि दोनः लिठि– सिन्दुर)